Shqipëria ka mposhtur edhe në përballjen e dytë 19-vjeçarët e Kosovës me rezultatin 2-1 në “Loro Boriçi”. Ishte pothuajse një pasqyrë e ndeshjes së parë rezultati dhe loja që u zhvillua pak ditë më parë në “Elbasan Arena” ku djemtë e Erjon Bogdanit dolën të fituar.
Në minutën e 39-të, Pasha kaloi në avantazh kuqezinjtë e vegjël, me një skemë fantastike “alla De Biazi”. Pjesa e parë u mbyll me avantazhin e Shqipërisë.
Në minutën e 55-të, Limani barazoi shifrat, pas një gabimi në mesfushë të kapitenit Rama.
Nuk zgjati shumë baraspesha, pasi Nezha në minutën e 79-të nga pika e bardhë e penalltisë, kaloi përsëri në avantazh skuadrën e Bogdanit.
