Ministri i Jashtëm i Italisë, Lugi Di Maio ka falënderuar edhe një herë Shqipërinë për solidaritetin e treguar.
Përmes një postimi në Twitter, Di Maio thumbon Evropën teksa thotë se këto janë vlerat themelore që ajo duhet t’i transmetojë vendeve në vështirësi.
“Egoizmi nuk na përket neve. Nga # Shqipëria është një mësim në solidaritet. Faleminderit @ediramaal. Këto janë vlerat themelore që Evropa duhet t’u transmetojë atyre që janë në vështirësi”, shkruan ai nw postimin e tij.
L’egoismo non ci appartiene.
Dall’#Albania 🇦🇱 una lezione di solidarietà.
Grazie a @ediramaal. Sono questi i valori fondanti che l’Europa dovrebbe trasmettere a chi è in difficoltà. pic.twitter.com/gH2HMYj5AC— Luigi Di Maio (@luigidimaio) March 29, 2020
E gjithë mirënjohje vjen ndaj vendimit të qeverisë për të dërguar 30 mjekë dhe infermierë, për të ndihmuar shtetin fqinj në përballimin e situatës së krijuar nga koronavirusi.
Gjithashtu edhe kryeministri italian Conte shprehu falënderimet e tij ndaj popullit shqiptar. Ndërkohë edhe ish zëvendëskryeministri italian, Matteo Salvini tha se e kishte telefonuar Edi Ramën për ta falënderuar.
Italia është shteti më i prekur nga koronavirusi në botë, duke numëruar më shumë se 10 mijë viktima.
