Lëkundjet që u ndjenë pasditen e djeshme, shkaktuan dëme të konsiderueshme materiale. Tërmeti i fuqishëm me magnitudë 5.1 është shoqëruar me shumë pasgoditje të tjera, që kanë vijuar edhe gjatë natës.
I fundit është shënuar në orët e para të mëngjesit, 02:44, 12 Km në V-VP të Bulqizës.
Tërmeti i fuqishëm që lëkundi vendin në orën 17:38 minuta, shkaktoi dëme në dhjetëra banesa, kryesisht në veri të vendit.
Të dhënat treguan se epiqendra e tërmetit me magnitudë 5.1 ishte 10 kilometra në veri të Burrelit.
Tërmeti ishte i fortë dhe zgjati për disa sekonda, duke shkaktuar panik tek qytetarët në Tiranë, Durrës, Laç, Burrel, Shkodër dhe qytete të tjera.
Por në disa zona, shumë shtëpi kanë pësuar çarje të mureve, plasaritje dhe dëmtime në tavane.
https://tiranatoday.com/termeti-demton-67-shtepi-banoret-ne-meshire-te-fatit/
Shtabi i Emergjencave Civile njoftoi se 67 banesa janë dëmtuar në disa zona. Kështu në Bashkinë Klos, numërohen 12 banesa të dëmtuara, në Mat 8 banesa dhe në Bulqizë 47 banesa të dëmtuara. Tërmeti është ndjerë edhe në vendet fqinje, si në Maqedoni dhe Mal të zi, ndërsa sizmologët paralajmërojnë se priten lëkundje të tjera më të vogla, njësoj siç ndodhi pak javë më parë, me tërmetin që pati si epiqendër Gjirin e Lalëzit.
https://tiranatoday.com/termeti-i-fuqishem-pasohet-me-nje-pasgoditje-sizmologu-priten-serish-lekundje/
