Autoritetet shqiptare kishin vënë në dispozicion të qytetarëve një numër i cili është 127, për ta thirrur në çdo rast kur kanë dyshime se janë të infektuar me koronavirus. E ndërsa kryeministri Rama njofton se nga ky çast është vënë në dispozicion një numër tjetër, ku qytetarët mund të kërkojnë sqarime që nuk lidhen me një urgjencë shëndetësore.
“PËR TË MOS MBINGARKUAR 127-ën NUMRIN E URGJENCËS KOMBËTARE, JU KENI NË DISPOZICION KËTË NUMËR KU MUND TË KËRKONI SQARIME QË NUK LIDHEN ME NJË URGJENCË SHËNDETËSORE”, njofton Rama.
Numri i të prekurve me Covid-19 në vendin tonë ka shkuar në 70, ndërsa në dy ai i të shëruarve. Mes të infektuarve kanë humbur jetën dy persona. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”.
Shqipëria është e izoluar. Qytetarët lëvizin në dy orare, vetëm në orarin 05:00 të mëngjesit deri në 13:00 të mesditës. Këshilla e vetme e përbashkët e institucioneve dhe mjekëve është që qytetarët të qendrojnë në shtëpi, dhe të kenë sa më pak kontakte me të tjerët.
