Këngëtarja jonë përfaqësuese në Eurovision, Jonida Maliqi me këngën e saj “Ktheju Tokës” ka arritur që të sigurojë një vend në finale e 18 majit në Eurovision 2019.
Maliqi, e cila radhitej e 14-ta, përfaqëson Shqipërinë me këngën “Ktheju Tokës”. Gjatë interpretimit të saj mbrëmjen e sotme, Maliqi i ka mahnitur të gjithë me performancën e saj të jashtëzakonshme në gjuhën shqipe.
Faqja zyrtare e Eurovisionit, ka postuar pjesë nga performanca e këngëtares sonë, teksa e ka cilësuar mahnitës zërin e saj dhe të shkëlqyer interpretimin.
