Shqipëria është një nga vendet më të pasura me burime ujore. Potencialet e mëdha ujore janë një bekim për atë që na ka falur natyra, por njëkohësisht janë dhe një “mallkim” sepse akoma nuk kemi treguar se kemi drejtues të denjë për t’i shfrytëzuar këto kapacitete.
Megjithëse kemi ndërtuar shumë hidrocentrale por sërish nuk mund të plotësojmë nevojat e konsumatorëve. Shteti shqiptar e shikon të arsyeshme që të importojë energji elektrike dhe jo të gjejë zgjidhje për menaxhimin e situatës, apo për gjetjen e mjeteve të tjera alternative. Gjithkush mund të pyes pse duhet të importojmë kur kemi kaq shumë burime ujore për të prodhuar energji.
Problemi më i madh nuk qëndron tek importi por tek menaxhimi i shpërndarjes së energjisë dhe mos gjetja e rrugëve alternative.
Një studim i përgatitur nga ‘Balkan Green Foundation’ raporton për rrjetin e energjisë në Ballkan dhe studimi i referohet vitit 2014. Në raport thuhet se kapaciteti aktual i prodhimit të energjisë elektrike në Shqipëri arrin mesatarisht 5 TW / h në vit.
Bazuar në statistikat e vitit 2014, kërkesa e energjisë elektrike në Shqipëri arriti në 7.8 TWh / në vit.
Nga ky studim Shqipëria dhe Kosova janë të vetmet vende në listë që kanë një humbje të energjisë në rrjetin shpërndarës prej më shumë se 30%. Në Ballkan vendi me më pak humbje është Bosnjë Hercegovina me 10%.
Shqipëria në 2014 ka importuar 3,356 GWh, dhe ka pasur një humbje në rrjet prej 2,622 GWh. Shqipëria ka humbje në rrjet prej 37.8 për qind. Pra pothuajse 80% e energjisë së importuar, paska humbur në rrjet…
Ndërsa Kosova ka importuar 966 GWh dhe ka pasur një humbje në rrjet prej 1,526 GWh. Kosova ka humbje në rrjet prej 33.5 për qind.
Po të shohim Maqedoni ka importuar 3,073 GWh dhe ka pasur një humbje në rrjet prej 914 GWh. Maqedonia ka humbje në rrjet prej 15.5 për qind.
Bosnjë Hercegovina ka importuar 3,178 GWh dhe ka pasur një humbje në rrjet prej 1,018 GWh. Bosnjë Hercegovina ka humbje në rrjet prej 10.7 për qind.
Mali i Zi ka importuar 886 GWh dhe ka pasur një humbje në rrjet prej 433 GWh. Mali i Zi ka humbje në rrjet prej 17.6 për qind.
Serbia ka importuar 3,180 GWh dhe ka pasur një humbje në rrjet prej 4215 GWh. Serbia ka humbje në rrjet prej 14.4 për qind. (TIRANA TODAY)
Western Balkans Sustainable Policies Towards EU Integration by Tirana Today on Scribd
