Shqipëria humb dy vende, por i jep një “dorë” të mirë Kosovës

Performanca katastrofike që bëri kombëtarja shqiptare në dy miqësoret e fundit përballë Kosovës dhe Ukrainës kanë ndikuar në renditjen e FIFA-s. Kuqezinjtë kanë humbur dy vende nga renditja dhe për muajin maj renditet në vendin e 58-ë. Kjo ishte një lëvizje që pritej pasi dy testet e fundit rezultuan fatale me një gol të shënuar dhe 7 të pësuar, tashmë Shqipërinë e ka parakaluar Sllovenia dhe Koreja e Jugut.Nga ana tjetër buzëqesh Kosova, që fitoi plot 11 pozicione vetëm falë fitores 3-0 me në vëllazëroren me Shqipërinë. “Dardanët” fituan shumë pikë për faktin se Shqipëria ishte një kundërshtare shumë më e fortë ne letër. Skuadra e drejtuar nga Challandes aktualisht është e 141-ta, nga e 152-ta që ishte një muaj më parë.Thuajse ruhet renditja sa u përket 10 skuadrave më të mira në botë. Vazhdon të kryesojë Gjermania, e ndjekur nga Brazili, Belgjika, Portugalia dhe Argjentina. Ndryshimi i vetëm është rrëshqitja e Spanjës në vendin e 10-të, duke këmbyer vendet me Poloninë që ngjitet e 8-ta.