Një tërmet është regjistruar gjatë orëve të para të mëngjesit të sotëm. Mësohet se tërmeti ka qenë me magnitudë 3.2 ballë të shkallës Rihter dhe me thellësi 2 kilometra. Epiqendra shënohet në fshatin Aliko, 6 km në Jug-Lindje të Sarandës.
Lëkundjet sizmike janë ndjerë gjithashtu në Delvinë, Finiq dhe Konispol. Nuk raportohet për dëme materiale.
Kujtojmë që pak ditë më parë, një tërmet me magnitudë 3.6 lëkundi Tiranën dhe disa qytete të vendit.
