Kryeministri Edi Rama i është përgjigjur komentit të një qytetari që ka lënë në “Facebook”-un e tij, lidhur me fitoren e Francesco Becchettit në gjyq përballë qeverisë shqiptare, e ku shteti ynë duhet t’i paguajë 140 milionë euro dëmshpërblim.
“Ke harru te permendesh dhe leket qe ke me i dhon Agon chanel me ket fushaten qe ke marr me bizneset..se skan ku dalin ne vend tjt vec se tu e rrjep me xham popullin dhe bizneset”, i shkruan ai.
Ndërkohë, kryeministri ka thyer heshtjen sa i përket kësaj çështjeje, ku ka treguar se gjyqi në të vërtetë, sipas tij, ende nuk ka mbaruar.
“Jo jo, s’harroj asgje une po kjo qe thua ti eshte muhabet pa lidhje dhe i gjyq s’ka mbaruar, pavaresisht se sipas teje jane dhene edhe leket! Shendet vella e mesoje qe ai kuponi ka brenda parate e popullit e te shtetit, jo vetem fitimin e pronarit te radhes”, shkruan Rama.
Kujtojmë se Gjykata ndërkombëtare e dënoi Shqipërinë me 140 milionë euro për shpronësimin e paligjshëm të stacionit televiziv Agonset. Pas marrjes së këtij vendimi, Becchetti u shpreh se është i kënaqur që persekutimi politik, siç e quan ai, ka përfunduar.
“Familja ime dhe unë jemi të kënaqur që 4 vitet e betejave ligjore kundër arrestimit të paligjshëm dhe persekutimit politik kanë përfunduar. Mendimet tona të para shkojnë për të gjitha familjet e punonjësve të grupit mediatik që u është dashur të vuajnë kaq padrejtësisht për shkak të veprimeve të nxituara të qeverisë së korruptuar shqiptare.
Ne jemi të kënaqur që gjykata ndërmori një hap të jashtëzakonshëm për të konfirmuar se ne kemi qenë të përndjekur nga shteti shqiptar. Ne mezi presim që të vazhdojmë me jetën dhe aktivitetet tona”, tha Becchetti për ‘affaritaliani.it’.
