Shqipëria dhe Kosova, me një ndeshje të veteranëve të basketbollit, inauguruan sot sallën moderne të lojërave me dorë “Feti Borova”, pjesë e Parkut të ri Olimpik në Tiranë.
Në ndeshjen simbolike mori pjesë edhe kryeministri Rama i cili veshi fanellën e basketbollit, pasionit të tij të hershëm.
I pranishëm në këtë aktivitet, kryetari i bashkisë Erjon Veliaj, shprehu kënaqësinë për këtë bërë një tjetër hap të rëndësishëm të afrimit të të rinjve drejt sportit dhe largimit nga kafenetë e bastet, siç tha ai. “Më vjen mirë që kemi ndërtuar një ambient që afron më shumë të rinjtë me sportin dhe i largon nga kafenetë, bingot apo llotot. Dikur, kjo sallë ishte vendi i parë i pritjes së kosovarëve gjatë periudhës së luftës dhe në mënyrë simbolike kemi vendosur që të luajmë sot me një përfaqësuese të Kosovës për të inauguruar këtë sallë”.
Parku Olimpik do të pasurohet më tej me pishinën e mbyllur olimpike, pistën e atletikës, fushat e hapura të futbollit, basketbollit, volejbollit e tenisit, si edhe godinën e re të FSHF-së
