Të hënën, Administrata Amerikane e Ushqimit dhe Barnave u dha një shpresë afro 6 milion amerikanëve që bashkëjetojnë aktualisht me Alzheimerin teksa njoftoi, për herë të parë në 20 vjet, miratimin e një ilaçi për të luftuar sëmundjen.
Terapia e re do të shitet nën markën Aduhelm dhe do të administrohet me infuzion çdo katër javë. Sidoqoftë, mënyra se si funksionon vetë ilaçi (teknikisht i njohur si aducanumab) mbetet disi mister.
Në një deklaratë, drejtoresha e Qendrës së FDA për Vlerësimin dhe Kërkimin e Barnave, Dr. Patrizia Cavazzoni, shprehu optimizëm të matur në lidhje me aducanumab-in. “Terapitë e disponueshme aktualisht trajtojnë vetëm simptomat e sëmundjes; ky opsion i trajtimit është terapia e parë që synon dhe ndikon në procesin themelor të sëmundjes së Alzheimerit,” tha Cavazzoni. “Siç kemi mësuar nga lufta kundër kancerit, rruga e përshpejtuar e miratimit mund të sjellë trajtime për pacientët më shpejt, ndërsa stimulon më shumë kërkime dhe inovacione.”
Ilaçi mori miratim të përshpejtuar nga FDA, një dritë e gjelbër e përshpejtuar që u jepet ilaçeve që “trajtojnë gjendje të rënda” dhe “plotësojnë një nevojë të paplotësuar mjekësore”. Por me vetëm dy studime mbi efektivitetin e tij, mbeten dyshimet nëse ilaçi do të ketë ndikim./Tirana Today
