Pilotja heroike e cila me qetësi uli në pistë avionin e “Southwest Airlines”, pasi një shpërthimi në ajër, vrau një grua pasi presioni i ajrit e thithi atë nga dritarja e aeroplanit që u thye. Pasagjerët që kanë mbijetuar fluturimin e tronditur e kanë falënderuar atë për shpëtimin e jetës së tyre.
Bëhet fjalë për Tammie Jo Shults, e cila arriti të dërgojë pjesën tjetër të 140 udhëtarëve të saj në mënyrë të sigurt pasi motori i Boeing 737 shpërtheu në rreth 10 mijë metra lartësi.
Siç thuhet më tej, 56-vjeçarja ishte në kabinën e avionit të Southwest Airlines kur motori shpërtheu gjatë udhëtimit nga Nju Jorku në Dallas.
Pavarësisht tensionit dhe kaosit të krijuar, regjistrimet audio kanë zbuluar se si pilotja reagoi me qetësi dhe arriti të drejtonte aeroplanin në mënyrë të sigurt në Filadelfia.
Po sipas mediave, Shults me qetësi “raportoi” se “ka një vrimë dhe, um, dikush doli jashtë”.
Zonja Shults, ka qenë një pilote e mëparshme luftarake e fluturimit për Marinën e SHBA-ve, dhe është lavdëruar për veprimet e saj.
Kapten Shults shërbeu në marinë për 10 vjet dhe pilotoi avionë luftarakë.
Ajo ishte një nga pilotët e parë femra të luftës në Marinën e SHBA dhe fluturoi me një aeroplan F-18, një nga të cilët luftuan në Luftën e Gjirit dhe Irakut.
Më vonë ajo u bë një instruktore, pasi marina nuk u lejoi grave të fluturonin në luftime dhe në fund dha dorëheqjen në vitin 1993 kur u bashkua me Southwest Airlines.
Shtatë persona në aeroplan pësuan lëndime të lehta.
Shults nuk është konfirmuar zyrtarisht nga Southwest Airlines, por udhëtarët që ishin në fluturim e kanë identifikuar atë si pilote. Edhe burri i saj gjithashtu i konfirmoi për Associated Press se ajo ishte në kontrollin e aeroplanit kur ndodhi incidenti
