Kryetari i Partisë Drejtësi, Integrim dhe Unitet, Shpëtim Idrizi në hapjen e fushatës elektorale për zgjedhjet e 25 qershorit ka deklaruar se çdo votë për Partinë Demokratike në Vlorë, ta dijë mirë se ka votuar për Vangjel Dulen.
“PD-ja në Vlorë nuk ka marrë asnjëherë më shumë se 4 mandate, gjithmonë i pesti ka qene i PDIU-së. Në Vlorë ndodhet i treti Vangjel Dule. Kryetari i PBDNJ, Dule, ka deklaruar se Çamëria nuk ekziston. Na mbetet që te kapim Dulen prej veshi dhe t’i tregojmë se ku është Çamëria. Kush voton për Dashamir Tahirin në Vlorë ka dhënë votën për Vangjel Dulen. I themi Partisë Demokratike që të mos e mbajnë kalipiç Vangjel Dulen sepse do të jenë nënat Çame ato që do t`ju shohin”, tha Idrizi.
Idrizi deklaroi se partia e tij do të rrisë numrin e deputetëve në këto zgjedhje sepse tashmë nuk është partia e çamëve por e të gjithë shqiptarëve.
