Një shpërthim i fortë është shënuar mbrëmjen e djeshme në rrugën e Dibrës, në Tiranë.
Bëhet me dije se shpërthimi është regjistruar në një rrugë të ndërmjetme mes një hoteli dhe një lokali. Në fillim u raportua se shkak i shpërthimit kishte qenë një bombol gazi.
Nga vëzhgimi paraprak është gjetur bombola e dëmtuar, por me mbërritjen e eksperteve është gjetur mbetje e lëndës plasëse e vendosur mes 2 godinave.
Dyshohet se shpërthimi ka ndodhur si pasojë e vendosjes së lëndës plasëse e dyshuar tritol.
Si pasojë e shpërthimit janë regjistruar dëme të konsiderueshme materiale, ndërsa policia po heton ende për zbardhjen e ngjarjes.
