Në orët e para të ditës së sotme pranë Inxhinierisë së Ndërtimit, në Tiranë është dëgjuar një shpërthim i fortë. Sipas të dhënave të para të policisë, shpërthimi ndodhi rreth orës 04:20. Policia bën me dije se si pasoje e shpërthimit të forte është dëmtuar një dyqan tip ‘Fast food’.
Nga hetimet paraprake rezulton se shpërthimi ka ndodhur si pasojë e një rrjedhje të një impianti gazi, në kuzhinën e këtij ‘Fast food’.
Nga ana e policisë është ngjitur grupi hetimor, dhe po punon për saktësimin dhe dokumentimin e ngjarjes.
NJOFTIMI I POLICISË:
Më datë 08.07.2017, rreth orës 04:20, në numrin e emergjencave civile 112, ka ardhur njoftim për shpërthim përball inxhinierise së ndërtimit.
Menjëherë në vendin e ngjarjes janë nisur Shërbimet e Policisë të cilët kanë konstatuar një dyqan ushqimi të shpejt i cili ishte i dëmtuar.
Nga hetimet paraprake rezulton se shpërthimi ka ndodhur si pasojë e një rrjedhje të një impianti gazi, në kuzhinën e këtij fast food.
Grupi hetimor po punon për saktësimin dhe dokumentimin e ngjarjes.
