Një shpërthim me eksploziv ka ndodhur mbrëmjen e sotme në Mamurras. Mësohet se sasi e dyshuar lëndë plasëse ka shpërthyer në oborrin e një banese.
Fatmirësisht, shpërthimi ka shkaktuar vetëm dëme të vogla materiale.
“Më datë 15.04.2021, rreth orës 21:45, në Mamurras, Kurbin, në oborrin e banesës së shtetasit Sh.N., ka shpërthyer një sasi e vogël e dyshuar lëndë plasëse, e cila ka shkaktuar vetëm dëme të vogla materiale.”, informon policia.
Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit.
