Policia njoftoi pak më herët se rreth 23:40, në aksin rrugor Lezhë-Milot, në mobilierinë në pronësi të shtetasit D.A., banues në Tiranë, ka shpërthyer një sasi e dyshuar lëndë plasëse. Fatmirësisht nuk u raportua për të lënduar, por vetëm për dëme materiale. Lënda plasëse ka shpërthyer në mobilierinë në pronësi të shtetasit Dëfrim Ajazi, banues në Tiranë.
Dëfrim Ajazi me origjinë nga Dibra dhe banim në Tiranë, ka qenë edhe ndërtues në kryeqytet. Lënda plasëse është vendosur në pjesën e pasme të objektit. Nga ana e policisë janë shoqëruar dhe po merren në pyetje disa persona, si dhe po merren kamerat e sigurisë të bizneseve.
Detajet nga ana e policisë
“Më datë 20.06.2021, rreth 23:40, në aksin rrugor Lezhë-Milot,, në mobilerinë në pronësi të shtetasit D.A., banues në Tiranë, ka shpërthyer një sasi e dyshuar lëndë plasëse, e cila ka shkaktuar vetëm dëme materiale. Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit”, thuhet në njoftimin e policisë.
