Një shpërthim tritoli tronditi lagjen “28 Nëntori” të Vlorës mbrëmjen e së shtunës. Lënda plasëse ishte vënë në hyrje të një dyqani që tregtonte mobilie të përdorura.
Nga shpërthimi nuk ka të lënduar, por vetëm dëme të shumta materiale.
Ngjarja ka ndodhur rreth orës 23:15 të mbrëmjes e së shtunës një shpërthim i fuqishëm është dëgjuar në të gjithë qytetin e Vlorës. Forca të shumta policie si dhe ambulanca kanë shkuar në vendngjarje, në lagjen “Lef Sallata”.
Lënda plasëse është vendosur në qepenin e një dyqani, i cili tregtonte mobilie të përdorura. Sipas policisë dhe banorëve të lagjes, të cilët kanë dalë nga banesat e tyre të trembur tregojnë se shpërthimi ka qenë shumë i fuqishëm sa u trondit shtëpitë si dhe shumë banesave u janë thyer xhamat.
Dy ambulanca mbërritën në vendngjarje pasi shpërthimi ishte aq i fuqishëm sa dyshohej për viktima, por fatmirësisht nuk ka pasur të tillë.
Grupi hetimor po punon për zbardhjen e plotë të rrethanave të ngjarjes dhe identifikimin e kapjen e autorit/ve të cilët mund të kenë vendosur lëndën eksplozive.
Mësohet se policia po merr në pyetje pronarët e këtij objekti, po ashtu dhe kamerat e sigurisë të subjekteve përreth janë sekuestruar nga blutë e qytetit bregdetar.
Njoftimi
Më datë 06.01.2018, Salla Operative Vlorë është njoftuar se në lagjen ”Lef Sallata”, është dëgjuar një zhurmë në formë shpërthimi.
Menjëherë pranë vendit të ngjarjes janë dërguar shërbimet policore ku kanë konstatuar se në derën e jashtme të një objekti bosh ka shpërthyer një sasi lënde eksplozive.
Prej shpërthimit janë shkaktuar dëme materiale në pjesën e jashtme të objektit.
Sqarojmë se objekti më parë ka shërbyer si mobileri.
Grupi hetimor po punon për zbardhjen e plotë të rrethanave të ngjarjes dhe identifikimin e kapjen e autorit/ve të cilët mund të kenë vendosur lëndën eksplozive.
