Referuar ngjarjeve të fundit në Bularat, ku familjarët e Kacifasit tentuan të provokojnë sërish, avokat Spartak Ngjela ka shpërthyer në revoltë të hapur. Në emisionin “360 gradë” në RTV Ora, Ngjela tha qartësisht se ne si popull, nuk jemi kaq hajvanë sa të na marrin nëpër këmbë.
“Jam i sigurt që ajo gruaja e thjeshtë, pa pasur mbështetje politike nga shteti grek, nuk e bën atë. Nuk ka kaq trima sa mendoni ju, jo. Edhe ai tjetri që erdhi dhe u vra. Ata rrinë-rrinë dhe thonë të drejtat e minoritetit grek. Më thuaj, çfarë të drejtash i shkelen minoritetit grek këtu? Ai i di korçarët grekë. Kur thotë që i janë shkelur të drejtat, thotë jepeni Korçës autonominë.
Nuk jemi ne kaq hajvanë, sa të na marrin nëpër këmbë ata. Tani jemi të fortë. Nuk e kanë ata”.
Kostandinos Kacifas u vra nga policia shqiptare një vit më parë. Para ceremonisë për festën e Greqisë, doli në qendër të fshatit Bularat me një armë kallashnikov, qëlloi policinë dhe u strehua në një kodër sipër fshatit, duke mos ju përgjigjur thirrjes së forcave RENEA për dorëzim e cila e vrau. Ngjarja më pas shkaktoi reagime të forta, dhe në Bularat u zhvillua një ceremoni gjatë së cilës edhe të ardhur nga Greqia bllokuan rrugën nacionale.
