Ish-ministri i Drejtësisë, Ylli Manjani tregon se kush do e pësojë nga Vettingu.
Me anë të një postimi në Facebook, Manjani shkruan se Vettingu kërcënon gjykatësit, prokurorët, administratorët publikë dhe policë.
Vettingu, sipas Manjanit, nuk kap vetëm për shkaktarët e të gjithë të këqijave: politikën.
Punët e shtetit, shkruan ish-ministri, tashmë i kryejnë shkaktarët e së keqes që janë politikanët, ndërsa ironizoi ata që thonë se “po bëjnë shtet”.
Më tej, Manjani shprehet se Vettingu kap vetëm ata zyrtarë që i kanë shërbyer politikanëve, por këta të fundit jo.
POSTIMI I PLOTË:
Vetting për të tërë….
—�—�—
Vetëm për shkaktarët e të gjithë të këqijave, politikën, nuk ka vetting! Të gjithë të tjerët kërcënohen me vetting!
Gjykatës, prokurorë, administratorë publikë dhe policë; të gjithë janë nën kërcënimin e vetting-ut!
Ndërkohë punët e shtetit, që natyrshëm duhet ti kryenin “të kërcënuarit”, tashmë i kryejnë shkaktarët e të keqes: POLITIKANËT! Kulmi!
E thonë pastaj se “po bëjnë shtet”. Pika i rëntë edhe këtij shteti, që nuk lëviz po nuk urdhëroi politikani!
Ndërkohë njerëzit presin të flasë Ambasadori X. Presin të “zbarkojnë aleatët”…. Kulmi! Që në ‘45 ky avaz! Po aleatët hiç!
Nuk vijnë more jo! Mblidhni mendjen e shtrengoni politikanët që votoni këtu! Ata e kanë në dorë!
Nëse nuk i vettoni, të paktën mos i votoni! Bëni atë që keni në dorë!
Ndërkohë ata zyrtarë që i kanë shërbyer politikanëve, u bëftë mirë vettingu! Se vetëm ata do e “hanë”.
Parellinjtë do ja hedhin, si gjithmonë.
