Ish-deputeti i LSI-së, Përparim Spahiu, e cilëson Ramën si një kryeministër karagjoz, ku për të ngeli rrugëve pa bërë asgjë. Ai ironizon me anë të një statusi në rrjetin social Facebook, se qeverisja nuk është lyerje e fasada, por si të bësh njerëzit të kenë më shumë të ardhura, si të ulësh papunësinë e varfërinë.
Spahiu e mbyll mesazhin me atë çfarë ka trumbetur shpesh opozita, se Rama, suksesin më të madh e ka me krimin e kriminelët.
Statusi
Kryeministër karagjoz..!!!
Ngeli rrugëve, a thua se është kryetari i bashkive.
Harron që ka punë tjetër për të bërë ose me mirë nuk di që ka punë tjetër për të bërë.
Qeverisja nuk është lyerje, trotuare, fasada, dritare, kanale, mbjellje pemësh, ujra të zeza a të bardha.
Qeverisje është si të bësh njerzit të kenë më shumë të ardhura, si të ulësh papunësinë, të ulësh varfërinë, të stimulosh investime duke qenë konkurues, të rrisësh konsumin, të shkollosh më mirë fëmijët, të sigurosh rend e shërbim shëndetësor.
Suksesin më të madh si Qeverisës ke lidhjet me krimin e kriminelë të të gjitha llojeve.
Turp i madh!
