Një banesë është përfshirë nga flakët, si pasojë e shpërthimit të një bombole gazi. Ngjarja ka ndodhur në zonën e Alliasit në Tiranë, e fatmirësisht janë nxjerrë jashtë banesës dy të moshuar. Në banesën private ndodheshin shtetasit B. H., 80 vjeç dhe N. H., 77 vjeçe. Të dy janë transportuar në spital, për ndihmë mjekësore.
Njoftimi i policisë
Rreth orës 13:09 në Allias, në një banesë private ka shpërthyer një bombol gazi dhe për pasojë banesa është përfshirë nga flakët.
Policia së bashku me shërbimin e zjarrfikëses kanë shkuar menjëherë në vendngjarje, ku kanë mundur të nxjerrin dy të moshuar, shtetasit B. H., 80 vjeç dhe N.H.,77 vjeçe që banonin në banesë, të cilët u dërguan në spital për ndihmë mjekësore.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
