Një bombol gazi ka shpërthyer gjatë orëve të para të mëngjesit të sotëm në një banesë në Selenicë të Vlorës, ku për pasojë kanë mbetur të plagosur burrë dhe grua.
Bëhet fjalë për R.S., 49-vjeç dhe bashkëshorten e tij, M.S., 42 vjeçe. Kjo e fundit ndodhet në gjendje të rëndë shëndetësore dhe do të niset drejt Tiranës për mjekim më të specializuar.
“Nuk ka persona të tjerë të dëmtuar dhe gjithashtu banesa nuk përbën rrezik nga zjarri për banesat e tjera”, thuhet ndër të tjera në njoftimin e policisë.
Njoftimi i policisë:
Më datë 17.07.2018, në orën 05:53, në Selenicë të Vlorës ka marrë flakë një banesë si pasojë e shpërthimit të një bombule gazi.
Nga shpërthimi kanë mbetur të dëmtuar pronarët e banesës, 49 vjeçari R.S dhe bashkëshortja e tij 42 vjeçare M.S. Kjo e fundit ndodhet në gjendje të rëndë shëndetësore dhe do të niset drejt Tiranës për mjekim më të specializuar.
Nuk ka persona të tjerë të dëmtuar dhe gjithashtu banesa nuk përbën rrezik nga zjarri për banesat e tjera. Grupi hetimorë po vijon veprimet e mëtejshme proçeduriale.
