OKB-ja ka shprehur shqetësime për raportet nga Rusia për rreth 2.400 protestues të arrestuar në ditët pas urdhrit të Presidentit Putin, për të mobilizuar pjesërisht trupat për luftën në Ukrainë të mërkurën e kaluar.
“Ne jemi thellësisht të shqetësuar nga numri i madh i njerëzve që thuhet se janë arrestuar”, u tha gazetarëve në Gjenevë zëdhënësja e zyrës së të drejtave të Kombeve të Bashkuara, Ravina Shamdasani.
Shamdasani iu referua “raporteve të besueshme rreth 2.377 demonstrues ishin arrestuar… në vende të ndryshme anembanë vendit”.
Ajo tha se është e paqartë se sa njerëz mbeten në paraburgim; megjithatë të shtunën, grupi i monitorimit të policisë OVD-Info numëroi të paktën 726 persona në paraburgim në 32 qytete në të gjithë Rusinë, gati gjysma e tyre në Moskë.
Burimi i lajmit: BBC. Përshtatur nga Tirana Today
