Policia e Kavajës ka arrestuar një 45-vjeçar në flagrancë i cili shpërndante heroinë.
Burime nga policia bëjnë me dije se i arrestuari është L. M. 45 vjeç, ndërsa operacioni është koduar “Çiklisti”.
Gjatë momentit që po qarkullonte me biçikletë në lagjen Nr. 3 të Kavajës, 45-vjeçari është ndaluar dhe i janë gjetur dozat e heroinës.
Nga kontrolli edhe në banesë në fund i janë gjetur 125 gr lëndë e dyshuar narkotike heroinë, 36 700 lekë të përfituara nga shitja e lëndës narkotike, 1 biçikletë, 2 aparate celulare, 2 karta banke dhe një peshore elektronike.
