Shkon në pesë numri i personave të arrestuar për tjetërsim pronash me anë të falsifikimeve lidhur me ndërtimin e dy pallateve në zonën e Yzberishtit në kryeqytet.
Në pranga kanë rënë ish-kreu i Komunës së Kasharit, Besnik Fuçia dhe ish-kreu i Urbanistikës Jurgen Memisha. Të dy të akuzuar për falsifikim dokumentesh dhe shpërdorim detyre.
Arrestimi i 5 personave erdhi pasi dy ndërtuesit, Stefan Caushi dhe Arben Petriti të cilët kishin rënë dakord për ndërtimin e dy pallateve me ndarjen e pronësisë 50% me 50%. Por pronësinë e dy pallateve në fjalë e ka fituar vetëm ndërtuesi Stefan Caushi, pas falsifikimeve dhe tjetërsimeve që u janë bërë dokumenteve të pronësisë.
Ndërkohë biznesmeni i dëmtuar, Petriti ka bërë kallëzim në Prokurori. Pas hetimit nga Prokuroria zyrtarët rezultojnë se kanë falsifikuar dokumentet.
