Ish-deputeti i Partisë Demokratike, Gent Strazimiri ka akuzuar qeverinë për shpenzime marramendëse vetëm për ditën e djeshme, ku u mbajt Kongresi dhe mitingu i Partisë Socialiste.
Sipas Strazimirit, vetëm dje janë shpenzuar 1.5 milion euro, pra sa 31.250 paga të ndihmës sociale.
Teksa publikon këtë shifër, Strazimiri u referohet ekpertëve, por nuk citon emra konkretë.
“Pafshi në ëndërr “zgjedhje” pasanikësh”, ironizon në mbyllje të postimit ish-deputeti.
Postimi i plotë:
Vetëm kostoja e ditës së sotme, ditës së parë “elektorale” të partisë-shtet në shtetin më të varfër të Evropës, sipas profesionistëve të eventeve është jo më pak se 1.5 milionë euro!
KOSTO, pa fitimin!
Vetëm sot, partia-shtet ka shpenzuar sa 31.250 paga të ndihmës sociale, apo sa i gjithë buxheti vjetor i Spitalit më të ngarkuar të Shqipërisë…
NË VETËM 1 DITË … “elektorale” …
“Standard” të ëmbël…pafshi në ëndërr “zgjedhje” pasanikësh!!!
