Shumë shqiptarë janë në kërkim të ëndrrës amerikane. Ndaj, të gjithë ata që kanë aplikuar për lotarinë amerikane, sot do të mësojnë nëse janë fitues apo jo.
Autoritetet në SHBA do të publikojnë ditën e sotme duke filluar nga ora 18:00 me orën lokale, listat me fituesit e lotarisë, që kanë aplikuar nga shumë vende të botës, përfshirë edhe Shqipërinë.
Për të mësuar nëse jeni përzgjedhur, duhet të përdorni numrin unik të konfirmimit të dhënë në regjistrim, duke kontrolluar online Kontrollin e Statusit të të Regjistruarve në faqen zyrtare E-DV, https://dvprogram.state.gov/.
Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten dhe anëtarët e familjes së tyre.
You must have your confirmation number to check your status for the 2022 Diversity Visa Program. Go to https://t.co/Kw9Fij3mIM starting May 8, 2021 at 12:00 PM EDT. pic.twitter.com/YOMmmIdtn1
— Travel – State Dept (@TravelGov) May 7, 2021
