Po zhvillohet në Presidencë procesi i hedhjes së shortit për zgjedhjen e anëtarëve të Këshillit të Emërimeve në Drejtësi(KED).
Anëtarja e parë në mënyrë rastësore është zgjedhur Fiona Papajorgji, e cila vjen nga radhët e kandidatëve të Gjykatës Kushtetuese. Si anëtare e dytë e KED është zgjedhur Vitore Tusha, ndërsa Marsida Xhaferllari, është përzgjedhur si anëtare zëvendësuese.
Kreu aktual i KED, Ardian Dvorani u përzgjodh automatikisht pasi sipas përcaktimeve ligjore është i vetmi anëtar Gjykatës së Lartë.
Ndërkohë kandidatët e Prokurorisë së Përgjithshme për në KED janë:
– Arta Marku – zgjidhet anëtare
– Adnan Xholi
– Adnan Kosova
– Alfred Progonati
– Alma Muca
– Anila Leka
– Arben Kraja
– Bilbil Mete – zgjidhet anëtar zëvendësues
– Kujtim Luli
– Sokol Stojani
– Thoma Jano.
Miranda Andoni dhe Saida Dollani, u përzgjodhën nga shorti si anëtare të KED, nga gjykatat e Apelit, ku garonin, 48 gjyqtarë. Ndërkohë goglat përzgjodhën si anëtar zëvendësues gjyqtarin Nazmi Troka.
Ndërkohë nga zyrat e prokurorisë pranë Gjykatave të Apelit, u përzgjodhën Ludovik Dodaj dhe Fatonja Memçaj si anëtarë të KED. Si anëtar zëvendësues u përzgjodh prokurori Nezir Gjoka. Nga kjo zyrë ishin në garë plot 16 kandidatë.
