Një nga shoqëruesit e Kryebashkiakut të Tiranës Erion Veliaj është infektuar me koronavirus.
Raportohet se gardisti me inicialet K.D, i cili prej dy muajsh punon si shoqërues i Veliajt, ka rezultuar pozitiv me COVID-19.
Ai aktualisht është vetëkarantinuar ndërsa testit pritet t’i nënshtrohen dhe kolegët e tij të gardës, që konsiderohen si kontakte të afërta.
Ndërkohë nuk dihet ende nëse testit do t’i nënshtrohet dhe vetë kryebashkiaku i Tiranës, shkruan “faxweb.al”.
Deri më tani nuk ka një konfirmim zyrtar nga ana e Ministrisë së Shëndetësisë për gardistin e infektuar.
Kujtojmë se ditën e djeshme në Shqipëri u njoftuan 57 raste të reja me koronavirus.
