Në botë janë raportuar plot raste kur pacientët e infektuar me koronavirus nuk i janë bindur mjekëve. Madje në një rast, një qytetar ka dhunuar mjeken, pasi nuk dëshironte që të izolohej.
Këto janë pasojat e izolimit, si pasojë e COVID-19, që ka njohur një shtrirje në të gjithë botën. Shifrat me të vdekur janë në trend rritës, e po kështu edhe të të infektuarve.
Në Rusi ka ndodhur një ngjarje aspak e zakontë, ku një person i dyshuar me COVID-19, ka detyruar mjekët që ta ndjekin me vrap nga pas.
E gjitha kjo skenë është filmuar nga një kamera amatore, ku dëshmon se personi i dyshuar me COVID-19 nuk pranon të bie në duart e mjekëve, që kishin shkuar ta testonin.
Rasti në fjalë është komentuar edhe nga kryetari i qytetit të Arzamas, rajoni i Nizhny Novgorod, Alexander Shchelokov, i cili shprehet se qytetari duhej të karantinohej për shkak të dyshimit të koronavirusit.
“Informacioni u mor në lidhje me dyshimin për një qytetar me profil psikiatrik, të paaftë në Arzamas që ka COVID-19. Rezultati i testit do të jetë të dielën. Qytetari është juridikisht i paaftë, është nën kujdestari. Për shkak të faktit se kujdestari i tij është në një spital me kancer, ai po përgatitej të dërgohej në një neuropsikiatri konvikti ”, ka shkruar kryetari i Arzamas, në faqen e tij në rrjetin social.
