Jeta e vështirë që kishte kaluar dhe me ndarjen e dy prindërve, duket se kanë ndikuar edhe në të shkuarën e errët të vrasësit të efektivit të policisë. Gjyshërit e të ndjerit kanë thënë se fajin e kanë prindërit, që djali mori rrugën e krimit.
Një ndër miqtë e Aldi Ramës, ka rrëfyer disa detaje të rënda, të cilat të bën të kuptosh jetën e vështirë që ka patur I riu. Ndonëse 21-vjeç, Aldi Rama kishte shkuar dy herë në burg, para se të kryente krimin e rëndë duke qëlluar për vdekje nënkomisarin Saimir Hoxha një ditë më parë.
Në një rrëfim për Report Tv, shoku i të riut, Ergus Gj., ka zbuluar se i ati i Ramës është dënuar përjetë në Greqi. Ai rezulton i dënuar për një krim të rëndë, pasi ka masakruar me motosharrë një grek.
Shoku i Aldi Ramës thotë se atë e ka njohur pasi kishte qenë në të njëjtën qeli me vëllain e tij, dhe se ishte tronditur kur kishte mësuar për ngjarjen e rëndë një ditë më parë.
“E kam patur shok Aldin, ka qenë në një qeli me vëllain tim. I çoja ushqime çdo ditë edhe vëllait tim edhe këtij. Aldi ka qenë dy herë në burg, në 2018 dhe njëherë në 2020. Njëherë për një problem me një person dhe në 2020 që e kapën me 20 qese hashash e një thikë. Ndenji disa muaj në burg. Ka patur jetë të vështirë, prindërit i ka të divorcuar. Babin e ka në burg ka vrarë një grek, e ka masakruar me motosharrë, është i dënuar për jetë”.
