Presidenti Meta ka lëshuar një deklaratë të fortë në emisionin “Opinion”, teksa tha se kryeminisitri Rama i shërben lobit pro serb në Washington. Madje ai shkoi edhe më tej duke aluduar se mund të ketë zhvillime në Kosovë në javët në vijim.
I pyetur nga moderatori Blendi Fevziu, nëse kësaj çështje do ti shërbejë shembja e Teatrit, Meta i shtoi edhe më tej aludimet.
Presidenti Meta la të kuptohej se lobi serb dhe ai rus ndikuan për shembjen e Teatrit, dhe se për këtë ka shumë prova dhe dokumenta, të cilat do i bëj publike në kohën e duhur.
“Rama i shërben lobit pro serb në Washington. Lobi serb në Washington përdori Ramën për trazira. Këtë e them me bindje dhe këtë do ta provojë koha. Ai kërkon konflikt. Pse duhet ta shembte Teatrin në atë mënyrë?! Lobi serb dhe ai pro rus ne Uashington i intereson perplasja civile dhe destabilizimi ne Shqiperi. Kam shume prova dhe dokumenta qe do i bej publike ne kohen e duhur. SMS qe u be publike sot, do duket pa vlere ne raport me to. Do flas ne te ardhmen dhe ne kohen e duhur”, tha Meta.
