Kreu i grupit parlamentar të Partisë Socialiste, Taulant Balla tha se ka informacione se synohet të vihet nën monitorim nga Partia Demokratike.
I ftuar në “Tonight Ilva Tare”, në Ora News, Balla deklaroi se është informuar nga një koleg i PD-së të cilët aknë vendosur që ai të vihej nën monitorimin e një grupi të caktuar që përbëhet nga disa ish-policë për llogari të Partisë Demokratike.
“Jo vetëm Fatmir Xhafajt, por edhe unë, apo edhe kolegë të tjerë në drejtim të Partisë Socialiste, jemi nën sitën apo monitorimin e personave të paguar nga Partia Demokratike për të shpikur histori. Jo më larg se para disa ditësh nga një koleg i PD-së jam informuar për një mbledhje në një grup të ngushtë për t’u vënë në monitorimin e një grupi të caktuar që përbëhet nga disa ish-policë. E deklaroj me përgjegjësi. Këta synojnë të bëjnë survejime, përgjime të paligjshme. PD është e përfshirë në një veprim të paligjshëm shantazhimi ndaj ministrit të Brendshëm,” deklaron Balla.
