Armando Pezaraku shofer i arrestuar ditën e djeshme në qytetin e Durrësit, ka thënë se është ndodhur aty në momentin dhe vendin e gabuar.
Në dëshminë e tij Pezaraku ka thënë se ishte informuar vetëm pak minuta më parë nga kompani e transportit se do të kryente rrugën e radhës.
I riu 25- vjeçar, u shpreh se ai nuk njihte asnjë punonjës apo drejtues nga kompania “Arbri Garden”.
Pezaraku pranoi dhe tha se ishte absolutisht i hapur për hetime të mëtejshme mbi të.
“Nuk kam lidhje fare me drogën. Unë jam thjesht shofer dhe shkoj aty ku më caktojnë. Për ngarkesën e radhës u informova vetëm para pak minutash para se të nisesha. Sa për dijeni, ne nuk na thotë njeri se me çfarë është ngarkesa. Ne (shoferët) shkojmë afrojmë kokën e kamionit pranë terminalit ku ndodhen mbi 2000 kontenier, marrim njërin prej tyre ( që na ka caktuar kompania e transportit), shkojmë tek sporteli për të mar dokumentacioni që kemi ngarkuar dhe nisemi për rrugë. Personalisht nuk njoh dhe skam konfidencë me asnjë prej punonjësve të kompanisë “Arbri-Garten”. Thjesht ndodhesha në vendin dhe momentin e gabuar, fatin tim të keq mund ta kishte një shofer tjetër”,- mësohet të ketë deklaruar Pezaraku i arrestuar një ditë më parë nga policia në lidhje me drogën e bllokuar në kontenierin që ai transportonte.
Mësohet se Pezaraku është treguar i gatshëm për ti hetuar, pasi deklaron se nuk ka lidhje më këtë grup kriminal.
“Jam absolutisht i hapur për hetime. Shikoni, përgjoni, kontrolloni telefonatat dhe tablatet e celularëve të mi. Nuk kam asnjë problem sepse skam lidhje fare me këtë punë”,- ka theksuar drejtuesi i kamionit.
“Panorama” u interesua edhe për mënyrën e të proceduarit në portin e Durrësit. Të gjitha kompanitë që operojnë në fushën e transportit deklaruan njëzëri se drejtuesit e kamionave adresohen nga kompanitë për rrugën e radhës dhe nuk është në dëshirën e tyre se cilën rrugë do bëjnë apo s’do bëjnë.
Burime nga kompanitë e transportit thanë për “Panorama” se, Armando Pezaraku kishte shumë pak kohë që punonte rreth 20 muaj. Drejtuesit e kamionave shprehen shumë të revoltuar duke i dal në mbrojtje kolegut të tyre.
“Kjo është absurde. Këta arrestojnë shoferët që skan lidhje dhe as dijeni se çfarë ngarkese kanë sipër në kamion. I bien shkurt e shkurt dhe kapin shoferin dhe pasi e telendisin dhe e bëjnë trafikant nëpër media më pas e lëshojnë si të pafajshëm. Armando Pezaraku u arrestua në orët e para të ditës së mërkurë teksa po transportonte me kamionin me targë DR 3819, kontejnerin me banane, brenda të cilit u zbulua se fshiheshin 613 kg Kokainë.
Me sa duket, statusi në FB “shofer kamioni shpërndaj miell për partizanët” do ti kushtoj shumë shtrenjt, Armando Pezarakut.
