Një zjarr i madh ka përfshirë një banesë private pranë “Maternitetit të Ri” në Tiranë. Nga zjarri ka humbur jetën foshnja 6-muajshe dhe është plagosur gjyshja e saj.
Në momentin e rënies së zjarrit, brenda banesës ishin gjyshja dhe foshnja, pasi prindërit e kësaj të fundit janë të divorcuar. Ngjarja e rëndë u regjistrua në rrugën “Gani Domi”, ndërsa policia thotë se banesa u dogj plotësisht. Si pasojë, foshnja humbi jetën, ndërsa gjyshja u dërgua në spital dhe ndodhet nën kujdesin e mjekëve.
“Sot, në orët e para të mëngjesit, në rrugën “Gani Domi”, ka rënë zjarr dhe është djegur plotësisht banesa e shtetases J. L.
Si pasojë ka ndërruar jetë një foshnje 6 muajshe, ndërsa shtetasja J. L., ndodhet në spital, nën kujdesin e mjekëve”, thotë policia.
Ndërkohë grupi hetimor po punon, për të përcaktuar shkaqet e rënies së zjarrit dhe zbardhjen e rrethanave të ngjarjes.
