Një banesë u përfshi nga flakët mëngjesin e sotëm në Shkozë. Ngjarja ndodhi në Banesat Sociale, në katin e 5-të të një pallati, ndërsa nuk raportohet për persona të lënduar.
Nëna e 3 fëmijëve, shtëpia e të cilës u shkrumbua këtë të shtunë tregoi për “News24” se zjarri ra fillimisht në kuzhinë, e më pas u përhap në të gjithë banesën.
Gruaja rrëfen se gjithçka është djegur dhe nuk i ka mbetur më asgjë, e për pasojë apelon për ndihmë.
“Ne ishim në gjumë dhe u ngritëm të tmerruar. Se pash orën fare me vrap kam ikur. Zjarri ra tek kuzhina..kam 4 vjet që jetoj aty. Njëherë ka pasur defekt e ka rregulluar babi im. U dogj gjithçka, s’kam asgjë tjetër tani. Tani shpresoj që të na ndihmoj bashkia. Atë mall që kisha lart, me ato haja bukë. Dhe ato u dogjën”, tha gruaja.
