Kryeprokurori Olsian Çela ka zhvilluar mëngjesin e sotëm një vizitë në Prokurorinë e Krimeve të Rënda. Kjo vizitë e tij vjen me rastin e shkrirjes së kësaj prokurorie dhe transferimin e dosjeve te SPAK.
Ai ka vlerësuar punën e prokurorisë së Krimeve të Rënda, ku shërbeu për 17 vite. Kryeprokurori e ka cilësuar si një prokurori suksesi. Sipas tij, kjo prokurori ndryshoi imazhin e vendit dhe rriti besimin me partneret e huaj përsa i përket hetimit të krimit të organizuar.
“Rezultatet e prokurorisë së Krimeve të Rënda sollën qëndrimin pozitiv të ndërkombëtarëve në raport me qasjen e tyre për futjen e Shqipërisë në NATO dhe organizma të tjera të BE” tha Çela.
