Një tjetër person ka ndërruar jetë si pasojë e koronavirusit, duke shkuar në 17 numri i viktimave.
Bëhet fjalë për 75-vjeçarin me inicialet A.C. I ndjeri kishte mbërritur tek Spitali Infektiv në gjendje të rëndë, teksa vuante nga post-hemorragjia cerebrale, diabeti dhe hipertensioni.
Pavarësisht përpjekjeve të bluzave të bardha të Spitalit Infektiv, për ta asistuar në kohë rekord, i moshuari nuk ia ka dalë të mbijetojë.
Njoftimi
Në spitalin infektiv ka ndërruar jetë një pacient 75-vjeçar. Pacienti ka mbërritur në spital në gjendje të rëndë, teksa vuante nga post-hemorragjia cerebrale, diabeti dhe hipertensioni.
Pacienti me inicialet A.C., ishte testuar dhe kishte rezultuar pozitiv me Covid-19, ndërkohë që, gjendja e tij shëndetësore është rënduar në mënyrë të menjëhershme.
Pavarësisht përpjekjeve të mjekëve të Spitalit Infektiv për ta asistuar në kohë rekord, pacienti nuk ia ka dalë të mbijetojë.
