Një 47-vjeçar i ka dhënë fund jetës dje në Shkodër pak minuta pasi kishte dalë nga Komisariati i Policisë.
Ardian Kallami u gjet i vetëvarur ne banesën e tij në Barbullush në Shkodër, ndërsa familjarët hodhën dyshime se veprimi drastik i 47-vjeçarit kishte ardhur pas dhunës së ushtruar nga policia.
Shërbimi për Çështjet e Brendshme dhe Akuzat në Ministrinë e Brendshme ka nisur hetimet. Sipas burimeve, SHÇBA ka vënë nën hetim dy efektivë policie që pretendohet nga familjarët se kanë ushtruar dhunë mbi të afërmin e tyre.
Sipas familjarëve, 47-vjecari ishte shoqëruar në Komisariatin e Policisë pasi dyshohej për një vjedhje të një banese ngjitur me të tijën. Pasi e kanë mbajtur disa orë në komisariat, atë e kanë lëshuar dhe këtë të hënë e kanë rithirrur për ta marrë në pyetje. Sapo është kthyer nga komisariati ai ka kryer aktin e rëndë, duke u varur brenda banesës.
Ndërsa në një reagim në “Facebook”, ish-kryeministir Sali Berisha shkruan: Krim i shemtuar shteteror!
Polocia dhunon, torturon dhe çon ne vetvrasje qytetarin 48 vjeçar, Ardian Kallami! Lexoni mesazhin e qytetarit dixhital. sb
“Z, Berisha pershendetje, deshta me denancu nji krim shtetnor qe ka ndoll sod ne barbullush, ne baz dyshimesh policija arreston e keqtrajton fizikisht e psikoligjikisht kushrinin tem Ardjan Kallami 48 vjeq, i randum nga dhuna ai sod u vetvra, un jam Françesk Zefi.”
Ndërsa të tjera burime bëjnë të ditur se 47 vjeçi nga fshati Barbullush i Shkodrës, kishte filmuar vetë marrjen në pyetje nga policia, e cila e kishte akuzuar për një vjedhje. Ardian Kallami, ishte shoqëruar nga policia si i dyshuar për një vjedhje.
Pasi ishte marrë një herë në pyetje ishte lënë i lirë por dje sërish ishte thirrur në polici. Sapo ishte kthyer në banesë, 47-vjeçari, baba i dy fëmijëve, një vajze të martuar dhe një djali 22 vjeç i ka dhënë fund jetës duke u vetëvarur.
Por mësohet se ai ka regjistruar me telefon procedurën e marrjes në pyetje. Videoja që mësohet se zgjat rreth 17 minuta është sekuestruar nga Prokuroria, shkruan BË.
Në bisede e sipër viktima i thotë një efektivi: “pse më rrihni se nuk jam unë autori i vjedhjes”. TIRANA TODAY
