Një nga qarqet më të nxehta është ai i Shkodrës, ku mbrëmë është djegur qendra e Prekalit. Teksa ka nisur procesi i votimeve në të gjithë vendin, nuk kanë munguar as incidentet e para. Në njësinë administrative Postribë, nga 15 janë hapur vetëm 8 qendra votimi. Po ashtu në këtë qark ka pasur një sërë zhvendosjesh të qendrave të votimit, për shkak të djegies së disa prej ambienteve.
Në ‘Radio Shkodra’ sot janë vendosur dy qendra votimi, për shkak se ‘Teatri Migjeni’ dhe Biblioteka janë bllokuar nga ana e Bashkisë. Në shumë shkolla, futja e materialeve të votimit është bërë me forcë, duke thyer me gurë freksibël dyert.
Burime bëjnë me dije po ashtu se në Qv 162 Vau Dejës, në fshatin Stajkë, nuk është shpërndarë ende baza materiale.
Kjo zonë ka qenë një nga më problematiket, pasi disa ditë më parë u dogjën dhe një pjesë e materialeve brenda KZAZ-ve, përplasje e cila çoi dhe në shkarkimin e kryetarit të Bashkisë, Zef Hila.
