Përfundon finalja e edicionit të 69 të Kupës së Shqipërisë. Pas 13-vitesh, Vllaznia ka arritur të triumfojë, duke fituar trofeun e 7 në historinë e klubit. Ndeshja e luajtur në “Air Albania” u mbyll me fitoren minimale të shkodranëve.
Skuadra e drejtuar nga Tomas Bërdariç kaloi në avantazh në minutën e 39. Një aksion model i kuqebluve, ku gjuajtja e Da Silvës brenda zonës u devijua nga Sadriu dhe përfundoi në rrjetë.
Në minutën e 86, Skënderbeu mbeti me 10 lojtarë, pasi Zguro u ndëshkua me karton të kuq. Kjo është kupa e shtatë që fiton Vllaznia në historinë e saj, ndërsa të fundit e kishte marrë më 2008.
Fitimi i këtij trofeu të rëndësishëm është padyshim fryt i punës së skuadrës dhe stafit, me në krye trajnerin Tomas Brdariç.
