Policia ka shoqëruar për të marrë në pyetje rreth 20 persona, mes tyre dëshmitarë okularë, lidhur me ngjarjen e rëndë në Shkodër ku u vra Fatos Ferracaku. Autorët dyshohet se kanë qënë vrasës me pagesë, kjo duke iu referuar edhe dinamikës së ngjarjes. Nga dëshmitë e personave dhe kqyrja e disa kamerave të sigurisë, rezulton se vetëm një person është përfshirë në vrasje, ndërsa bashkëpunëtori e ka pritur në një motor. TMAX 550 kubik ngjyrë i errët rezulton të jetë mjeti që kanë lëvizur autorët, që më pas është djegur.
Autori ka qëlluar në një distancë më pak se 10 metra
Autori i vrasjes dhe bashkëpunëtori kanë qenë me skafandra të errëta, ku autori mësohet se është afruar pranë viktimës në një distancë më pak se 10 metra, dhe ka qëlluar ndaj tij. Sipas dëshmitarëve, autori mbante veshur një xhaketë ngjyrë të kuqe. Burime policore kanë deklaruar se personi i plagosur është qëlluar, pasi tentoi të ndërhynte për të ndaluar ngjarjen.
Identifikimi i autorëve mbetet i vështirë
Duke iu referuar burimeve të policisë, identifikimi i autorëve mbetet i vështirë, kjo për shkak se nga pamjet e verifikuara përmes kamerave, skafandrat nuk lejojnë të dallohen fytyrat e autorëve apo ndonjë tipar dallues.
https://tiranatoday.com/ne-shkoder-profesioniste-ne-vendngjarje-ishte-dhe-nje-efektiv-policie/
