Flakët në malin e Taraboshit të qytetit të Shkodrës gjatë ditës së sotme kanë dalë jashtë kontrollit.
Në përpjekje për të fikur disa nga vatrat me problematike një punonjës i shërbimit zjarrfikës ka rrezikuar jetën .
Mësohet se efektivi i zjarrfikëses është asfiksuar dhe nga asfiksimi është rrëzuar duke mos arritur të qëndrojë në këmbë.
Efektivi Gjergj Rrahi ka pësuar dëmtime në trup dhe është dërguar në spitalin e Shkodrës për ndihmë mjekësore, ndërsa ndodhet jashtë rrezikut për jetën.
Zjarri në malin e Taraboshit vijon të jetë problem prej 3 ditësh dhe i është afruar antenave të televizioneve.
E vetmja ndërhyrje është vetëm nga toka sepse helikopteri ndodhet në shërbim servisi.
