Një shtetas kosovar ka rënë në pranga nga policia kufitare në Muriqan, pasi kishte fshehur në automjetin e tij lëndë narkotike.
Policia ka arrestuar shtetasin me iniciale V.M, 31 vjeç, banues në Prishtinë, Kosovë.
Arrestimi i tij u bë pasi në dalje të R. Sh. në PKK Muriqan, gjatë kontrollit të ushtruar në vijën e dytë, mjetit të tij tip BMË, iu gjet dhe iu sekuestrua në cilësinë e provës materiale 58 gramë lëndë narkotike e llojit Cannabis Sativa.
Materialet iu referuan Prokurorisë Pranë Gjykatës së Shkallës së Parë Shkodër për veprën penale “Prodhimi dhe shitja e narkotikëve” parashikuar nga neni 283 i Kodit Penal.
