Një makinë tip Volkswagen ka shpërthyer në Shkodër, në zonën e njohur si zona e “Dollarit”.
Automjeti me targë AA 700 IY është në pronësi të inspektores së Drejtorisë ArsimoreRajonale në Shkodër, Frida Kopliku.
Shpërthimi ka ndodhur pak pas mesnate, megjithatë fatmirësisht nuk ka persona të lënduar, por vetëm dëme materiale.
Policia ka shkuar në vendin e ngjarjes dhe ka nisur hetimet paraprake.
Informacion Paraprak:
Më datë 11.10.2017, rreth orës 00:50, ka ardhur një telefonatë në Sallën Operative se në lagjen “Vojo Kushi” Shkodër, në rrugë është dëgjuar një shpërthim i lehtë.
Menjëherë në vendngjarje kanë shkuar shërbimet e policisë dhe shërbimi zjarrfikës ku kanë konstatur se:
Si pasojë e shpërthimit kishte marrë flakë mjeti tip Wolkswagen në pronësi të shtetases F. K. 60 vjeçe, banuese në lagjen “Vojo Kushi”, me detyrë Inspektore në Drejtorinë Arsimore Rajonale Shkodër.
Ndërhyrja në kohë e shërbimit zjarrfikës bëri të mundur fikjen e zjarrit.
Nga veprimet e para të kryera në vendngjarje dyshohet se ka patur një shpërthim të lehtë poshtë mjetit, i cili ka qenë i parkuar dhe për pasojë mjeti ka marrë flakë.
Automjeti është dëmtuar lehtë në pjesën e prapme, dhe nuk ka patur dëme në njerëz.
Po kryhen veprimet me grup hetimor, për sqarimin e plotë të rrethanave të ngjarjes.
