Shkodër- Dy persona janë arrestuar në flagrancë për prerje të paligjshme të pyjeve. Në operacionin e quajtur “Roja e Gjelbër”, policia ka bërë të mundur arrestimin e Gjin Rasës dhe Pjetër Rreshja përkatësisht 48 dhe 36 vjeç. Ndërsa është proceduar në gjendje të lirë një shtetas tjetër.
Sipas policisë personat e mësipërm, kishin kryer prerje të pyjeve në mënyrë të paligjshme, ndërsa transportin lëndën drusore në një automjet pa dokumentacion përkatës dhe me një faturë tatimore të falsifikuar të lëshuar nga shtetasi Gjin Rrasa i cili është administrator i subjektit fizik në emër të tij.
Njoftimi i policisë:
Sekuestrohen 21 m3 lëndë drusore, për prerje të paligjme të pyjeve
Arrestohen në flagrancë 2 shtetas dhe ndiqet në gjëndje të lirë 1 tjetër
Me datë 24.08.2017 nga shërbimet e Drejtorisë Vendore të Policisë Shkodër është bërë arrestimi në flagrancë për veprat penale “Prerje e paligjshme e pyjeve”, “Fshehje e te ardhurave” dhe “Falsifikim i dokumenteve” parashikuar nag nenet 205, 180 e 186 i Kodit Penal, i shtetasve:
Gjin Rrasa, 48 vjeç, banues në Berdicë, Shkodër.
Pjetër Rreshpja, 36 vjeç, banues në Grudë, Shkodër.
Arrestimi i këtyre shtetasve u bë pasi me datë 24.08.2017 në vendin e quajtur Ura e Mesit Njësia Administrative Postrribë, Shkodër, shtetasi Pjetër Rreshpja është kapur në flagrancë nga shërbimet e Policisë me mjetin e tij kamion në të cilin kishte ngarkuar lëndë drusore pa dokumentacion përkatës dhe me një faturë tatimore të fallsifikuar të lëshuar nga shtetasi Gjin Rrasa i cili është administrator i subjektit fizik në emër të tij.
Gjithashtu filloi procedimi penal në gjëndje të lirë për veprat penale “Prerje e paligjshme e pyjeve” e “Fshehje e të ardhurave” parashikuar nga nenet 205 e 180 të Kodit Penal për shtetasin:
- F. 47 vjeç, banues në fshatin Vilëz, Shkodër
Për këtë shtetas filloi procedimi penal pasi në vendin e quajtur Ura e Mesit Njësia Administrative Postrribë, Shkodër, është kapur në flagrancë nga shërbimet e Policisë me mjetin e tij kamion në të cilin kishte ngarkuar lëndë drusore pa dokumentacionin përkatës
Materialet do ti kalojnë për ndjekje të mëtejshme Prokurorisë së Rrethit Gjyqësor Shkodër në ngarkim të këtyre shtetasve.
