Një test që nëse kalon fazën e aprovimit, mund të zbulojë virusin në 20 sekonda. Këtë test e ka krijuar një shkencëtar izrealit, ndërsa pritshmëritë janë të larta. Vlerësohet se një pajisje mund të japë rezultatet e 4500 testeve në ditë, nëse llogaritet se një test zgjat 20 sekonda.
Shkencëtari izraelit, Gabby Sarusi, ka zbuluar testin që jep një rezultat pozitiv ose negativ në më pak se një minutë. Në një deklaratë të Universitetit Ben Gurion në Izrael, thuhet se kjo pajisje testimi fillimisht duhet të miratohet, një proces që zgjat dy deri në tre muaj.
Gabby Sarusi ka thënë se pajisja kryesore do të kushtojë rreth 400.000 dollarë, dhe secili test 40 deri 50 dollarë amerikan. Deri më tani, testi ka treguar një saktësi prej 90 për qind dhe është provuar në një mostër prej 120 izraelitësh. Nga të cilët 45 për qind ishin të infektuar me koronavirus dhe 55 për qind të shëndetshëm.
