Një shkencëtar britanik, ka sugjeruar që një tjetër ‘Sëmundje X’ që shkakton pandemi mund të vijë shumë shpejt.
Profesori Mark Woolhouse, shtoi se është e vështirë të thuash se kur mund të shfaqet një sëmundje e tillë, dhe mekanizmi i saktë se si shfaqet është gjithmonë i paparashikueshëm.
Eksperti i epidemiologjisë së sëmundjeve infektive në Universitetin e Edinburgut, tha se gripi pandemik është në krye të listës për shpërthime për t’u shqetësuar, por ai shtoi se ekziston një varg i tërë virusesh të tjerë për të cilët duhet patur kujdes, shkruan Daily Mail.
Woolhouse tregoi se si ai dhe disa kolegë bënë që Organizata Botërore e Shëndetësisë të shtonte diçka të quajtur Sëmundja X në listën e saj të sëmundjeve përparësore katër vjet më parë.
”Ne menduam se pandemia tjetër në zhvillim mund të jetë një virus për të cilin as nuk e dimë akoma, sinqerisht menduam se ishte skenari më i mundshëm.”, tha ai.
Sipas OBSH, ‘Sëmundja X’ përfaqëson njohurinë që një epidemi serioze ndërkombëtare mund të shkaktohet nga një patogjen.
