Studiuesit nga universiteti shtetëror në Georgia të SHBA-ve, pretendojnë se kanë zbuluar ilaçin anti-bakterial i cili brenda 24 orëve parandalon që të sëmurët të përhapin Covid-19 tek personat e tjerë.
Bëhet fjalë për ilaçin MK-4482/EIDD-2801 i njohur ndryshe si Molnupiravir, i cili brenda ditës parandalon bartjen e COVID-19 tek personat e tjerë, shkruan ”Daily Mail”.
Në krye të ekipit ishte mjeku Richard Plemper, i cili ka zbuluar se ilaçi është i mirë në luftën kundër viruseve sezonale.
“Është demonstrimi i parë i ilaçit që në mënyrë të shpejtë bllokon bartjen e SARS-COV-2. Kjo nënkupton një kthesë të madhe për shkencën”, ka shtuar Plemper.
Medikamenti aktualisht është në provat klinike të fazës II dhe III, ku po testohet në tre doza të ndryshme çdo 12 orë për pesë ditë tek pacientët me COVID-19, por të dhënat nuk pritet të jenë në dispozicion të paktën në maj 2021.
“Kemi vërejtur që ilaçi MK-4482/EIDD-2801 ka luftuar virusin në sistemin respirator, dhe në mënyrë të dukshme lufton përhapjen”, u shpreh Plemper.
Me rastet dhe vdekjet që vazhdojnë të rriten në të gjithë SHBA-në, ndalimi i përhapjes së virusit në komunitet do të jetë thelbësor për frenimin e pandemisë derisa vaksinat të jenë në dispozicion gjerësisht.
